Shriya: క‌థ విని డైరెక్ట‌ర్‌ని హ‌త్తుకున్న శ్రియ‌..!

Shriya: ఒక‌ప్ప‌టి అందాల ముద్దుగుమ్మ శ్రియ ఈ మ‌ధ్య కాస్త స్లో అయింది. ఫ్యామిలీతోనే ఎక్కువ టైం స్పెంట్ చేస్తుంది. సినిమాల విష‌యంలో నిదానంగా న‌డుస్తుంది. అయితే తాజాగా ఈ అమ్మ‌డు గ‌గ‌నం అనే సినిమాకి సైన్ చేసింది. ఈ సినిమా యాంథాల‌జీ కాన్సెప్ట్‌తో రూపొందుతుంది.

shriya-emotional after listening story
shriya-emotional after listening story

గ‌మ‌నం సినిమాతో సుజ‌నారావు అనే డైరెక్ట‌ర్ ప‌రిచ‌యం అవుతున్నారు. నిత్యామీన‌న్‌, శ్రియా శ‌ర‌న్‌, శివ కందుకూరి, ప్రియాంక జ‌వాల్క‌ర్, చారుహాస‌న్ త‌దిత‌రులు న‌టించిన ఈ చిత్రం డిసెంబర్ 10న విడుదలవుతుంది. దీని గురించి సుజనా రావు మాట్లాడుతూ ‘‘నేను చిన్నప్పటి నుంచి చూస్తూ వచ్చిన ఘటనలను ఆధారంగా చేసుకుని గమనం కథ రాసుకున్నాను. 2018లో ఓ కథ అనుకున్నాను.

పుట్టినప్పటి నుంచి చనిపోయే వరకు ఉండే లైఫ్ సర్కిల్‌ను చూపించాలని అనుకున్నాను. నిత్యామీన‌న్‌, శ్రియా శ‌ర‌న్‌, ప్రియాంక‌, చారుహాస‌న్, శివ కందుకూరి వంటి వారితో ప‌ని చేయ‌డం మ‌ర‌చిపోలేని ఎక్స్‌పీరియెన్స్‌. శ్రియా సరన్ మాత్రం చాలా కొత్తగా కనిపిస్తారు. ప్రతీ ఒక్కరూ ఆమెతో ప్రేమలో పడిపోతారు.

shriya-emotional after listening story1
shriya-emotional after listening story1

స్క్రిప్ట్ రాసుకున్నప్పుడు ఈ పాత్రలకు ప‌లానా వారు అని అనుకోలేదు. శ్రియ ద‌గ్గ‌ర‌కు వెళ్లి ఈ సినిమాలో క‌మ‌ల పాత్ర గురించి చెప్పాను. క‌థ నెరేట్ చేశాను. కథ చెప్పడం పూర్తయ్యాక శ్రియా అలా లేచి ఏడ్చేశారు. గట్టిగా హత్తుకున్నారు. నిత్యామీన‌న్‌గారికి కూడా క‌థ చెప్పగానే సినిమా చేస్తాన‌న్నారు. ఎప్పుడు రావాలో చెప్పండి. అప్పుడు వ‌చ్చి చేస్తాను అన్నారు. అన్న‌మాట ప్ర‌కార‌మే ఆమె సినిమాలో అద్భుత‌మైన పాత్ర‌లో న‌టించారు.

క్రిష్‌గారు కూడా మాకు స‌పోర్ట్ చేశారు. చిన్న సినిమాగానే అనుకున్నాం. కానీ.. అది కాస్త యాక్ట‌ర్స్ వ‌చ్చిన త‌ర్వాత పెద్ద సినిమాగా అయ్యింది. జీవిత ప్రయాణం గురించి చెప్పడమే గమనం సినిమా. ప్రతీ ఒక్క పాత్రకు ఓ జర్నీ ఉంటుంది. డైరెక్ట‌ర్ కావ‌డానికి ముందు ఎన్నో డాక్యుమెంటరీలను తీశాను. నాకు జనాలతో ఇంటరాక్ట్ అవ్వడం ఇష్టం. నా జీవితంలో కలిసి ప్రతీ ఒక్కరి నుంచి స్పూర్తి పొంది ఈ కథను రాశాను.

పైగా నేను ఉమ్మడి కుటుంబంలో పెరిగాను. నేను చిన్నప్పటి నుంచి చూసిన కథలన్నీ చెప్పాలని అనుకున్నాను. సినిమా ఇండస్ట్రీలోకి రావాలని ఉందనే కోరికను ఇంట్లో ఎవ్వరికీ చెప్పలేదు. మా నాన్నతో పాటు షూటింగ్‌లకు వెళ్లినప్పుడు హీరో హీరోయిన్లను చూశాను. అక్కడ ఎవరు ఏం చేయాలో చెప్పేది దర్శకుడే. అప్పుడే డైరెక్టర్ అవ్వాలని అనుకున్నాను’’ అని అన్నారు ద‌ర్శ‌కులు. గమనం చిత్రానికి మాస్ట్రో ఇళయరాజా సంగీతాన్ని అందించడం విశేషం