Rashmika : కన్నడ ముద్దుగుమ్మ రష్మిక మందన్నా క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. ఒక‌ప్పుడు చిన్న హీరోల‌తో సినిమాలు చేసుకుంటూ వ‌చ్చిన ఈ ముద్దుగుమ్మ ఇప్పుడు స్టార్ హీరోల‌తో వ‌రుస సినిమాలు చేస్తూ ఆశ్చ‌ర్య‌ప‌రుస్తుంది. కేవ‌లం తెలుగులోనే కాకుండా హిందీ, త‌మిళంలోను వ‌రుస ఆఫ‌ర్స్ అందుకుంటుంది. అయితే ఈ అమ్మ‌డు గ‌తంలో రక్షిత్ శెట్టితో ఎంగేజ్మెంట్ జ‌రుపుకొని దానిని క్యాన్సిల్ చేసుకున్న విష‌యం తెలిసిందే.
కన్నడ మూవీ కిరిక్‌ పార్టీతో సినీరంగ ప్రవేశం చేసింది రష్మిక మందన్నా. ఈ సినిమా షూటింగ్‌ సమయంలో హీరో రక్షిత్ శెట్టితో ప్రేమలో పడింది. దీంతో వీళ్లిద్దరూ ఎంగేజ్మెంట్ కూడా చేసుకున్నారు. తర్వాత ఏమైందో ఏమో కానీ తమ నిశ్చితార్థాన్ని రద్దు చేసుకున్నట్లు ప్రకటించారు. ఇక అప్ప‌టి నుండి రష్మిక వ‌రుస సినిమాల‌తో బిజీగా మారింది.
పుష్ప మూవీతో పాన్‌ ఇండియా లెవల్‌లో క్రేజ్ సంపాదించుకుంది రష్మిక. ఈ అమ్మ‌డి మాజీ ప్రియుడు రక్షిత్ శెట్టి పెళ్లి చేసుకోనున్నట్లు సోషల్‌ మీడియాలో ఓ వార్త వైరల్‌గా మారింది. ప్రస్తుతం ‘చార్లీ 777’ సినిమా ప్రమోషన్స్‌తో బిజీగా ఉన్న రక్షిత్.. రమ్య అనే అమ్మాయిని పెళ్లాడబోతున్నాడంటూ ఊహాగానాలు ఊపందుకున్నాయి. దీంతో రక్షిత్ స్నేహితుడు, నటుడు రిషబ్‌ శెట్టి ఈ వార్తలపై స్పందిస్తూ.. మావాడికి సాండల్‌వుడ్‌ గోల్డెన్‌ గర్ల్‌తో పెళ్లా? అని ఫక్కున నవ్వేశాడు.
- Advertisement -
రక్షిత్.. రమ్యను పెళ్లి చేసుకోవడం లేదని క్లారిటీ ఇచ్చాడు. ఇటీవలే రక్షిత్ సైతం ఈ రూమర్లపై స్పందిస్తూ ఇంతవరకు ఆమెను అసలు కలవలేదని బదులిచ్చాడు. కాకపోతే తాను నటించిన ‘ఉలిదవవరు కందంటే’ సినిమా బాగుందని ఆమె ఓసారి తనను మెచ్చుకుందన్నాడు. చాలామందిలాగే తనకు కూడా కాలేజీ రోజుల్లో రమ్య అంటే క్రష్‌ ఉండేదని, అంతకుమించి ఏమీ లేదని చెప్పుకొచ్చాడు.
