Prabhas : ప్రభాస్ అప్పులు మొత్తం తీర్చేసిన ఆదిపురుష్ మూవీ.. ఎలాగంటే..?
NQ Staff - May 31, 2023 / 08:29 AM IST
Prabhas : ఇప్పుడు అందరి చూపు ఆదిపురుష్ మూవీపైనే ఉంది. పాన్ ఇండియా స్టార్ ప్రభాస్ హీరోగా ఓం రౌత్ దర్శకత్వంలో వస్తున్న ఈ మూవీపై భారీ అంచనాలు ఉన్నాయి. మొదట్లో టీజర్ పెద్దగా ఆకట్టుకోలేదు. కానీ రీసెంట్ గా విడుదలైన సాంగ్స్, ట్రైలర్ ఓ రేంజ్ లో అంచనాలను పెంచేశాయి. దాంతో ఈ మూవీ గురించి అంతా వెయిట్ చేస్తున్నారు.
అయితే ఈ మూవీకి సంబంధించిన తెలుగు రాష్ట్రాల రైట్స్ ను ప్రభాస్ కు అప్ప జెప్పారు నిర్మాతలు. దాంతో ఆయన పీపుల్స్ మీడియా ఫ్యాక్టరీకి రూ.185 కోట్లకు అమ్మేశారు. ఈ మొత్తంలో రూ.100 కోట్లను యూవీ క్రియేషన్స్ కు ప్రభాస్ ఇచ్చారని తెలుస్తోంది. గతంలో తనతో రాధేశ్యామ్ సినిమా తీయడం వల్ల యూవీ క్రియేషన్స్ అప్పుల్లో కూరుకుపోయింది.
దాంతో ఆ అప్పులను ప్రభాస్ ఈ విధంగా తీర్చాడని సమాచారం. ఇప్పటికే దిల్ రాజుకు రూ.40 కోట్లు యూవీ క్రియేషన్స్ ఇవ్వాల్సి ఉంది. ఆ మొత్తాన్ని సింగిల్ పేమెంట్ లో ఇచ్చేశారంట. ఇక అప్పుల్లో కూరుకుపోయి తన ఆఫీస్ చుట్టూ తిరుగుతున్న మరికొంత మందికి కూడా తిరిగి ఇచ్చేశారంట.
ఈ సినిమా జూన్ 16న థియేటర్లలోకి రాబోతోంది. ఈ విధంగా శ్రీరాముడి దయతో ప్రభాస్ యూవీ క్రియేషన్స్ అప్పులు మొత్తం తీర్చేశాడని తెలుస్తోంది. ఒకవేళ ఈ సినిమా కూడా ఆడకపోతే మాత్రం భారీగా డిస్ట్రిబ్యూటర్లు నష్టపోవాల్సి వస్తుంది. కానీ ప్రభాస్ మాత్రం సేఫ్ జోన్ లోనే ఉంటాడని తెలుస్తోంది.
