Prabhas : ఆదిపురుష్ నుంచి అప్పుడే తప్పుకోవాలనుకున్న ప్రభాస్.. కొంప ముంచిన ఓం రౌత్..!

Prabhas : ప్రభాస్ ఎన్నో ఆశలు పెట్టుకుని చేసిన మూవీ ఆదిపురుష్. రామాయణం ఆధారంగా చేస్తున్న సినిమా కావడంతో ఈ మూవీపై భారీ అంచనాలు ఉండేవి. ప్రభాస్ కారణంగా ఈ మూవీపై అంచనాలు పీక్స్ కు వెళ్లిపోయాయి. ఇందులో రాముడిగా ప్రభాస్ నటించగా.. కృతిసనన్ సీతగా నటించింది.

అయితే దర్శకుడు ఓం రౌత్ రామాయణంతో సంబంధం లేకుండా దీన్ని తెరకెక్కించాడు. అదే ఇప్పుడు పెద్ద మిస్టేక్ అయిపోయింది. దాంతో ఈ మూవీపై తీవ్ర విమర్శలు, ట్రోల్స్ వస్తున్నాయి. ఈ క్రమంలోనే ప్రభాస్ గతంలో ఆదిపురుష్ సినిమాపై చేసిన కామెంట్లు ఇప్పుడు వైరల్ అవుతున్నాయి.

రాధేశ్యామ్ ప్రమోషన్స్ లో భాగంగా ప్రభాస్, పూజాహెగ్డే ఓ ఇంటర్వ్యూకు హాజరయ్యారు. అందులో ప్రభాస్ ను అప్ కమింగ్ మూవీస్ గురించి అడిగాడు యాంకర్. ప్రభాస్ స్పందిస్తూ నేను ఆదిపురుష్‌ మూవీ చేస్తున్నాను. షూటింగ్ నాలుగు రోజులు అయిన తర్వాత నేను ఓం రౌత్ ను అడిగాను.

రౌత్ నేను ఈ సినిమా చేయొచ్చా లేదా అని అడిగాను. అప్పుడు రౌత్ మాట్లాడుతూ.. కచ్చితంగా చేయొచ్చు. నేను ఉన్నాను. నన్ను నమ్ము అని చెప్పాడు అంటూ ప్రభాస్ అందులో క్లారిటీ ఇచ్చాడు. ఈ వీడియో చూసిన ప్రభాస్ ఫ్యాన్స్ ఓం రౌత్ మీద దుమ్మెత్తి పోస్తున్నారు. నీ వల్లే మా ప్రభాస్ ఈ సినిమా చేసి నష్టపోయాడు అంటూ విమర్శిస్తున్నారు.