Pawan Kalyan : ధర్మ పరిరక్షణ.. ప్రజాక్షేమం కోసం పవన్ కల్యాణ్‌ యాగం..!

Pawan Kalyan  : పవన్ కల్యాణ్‌ వచ్చే ఎన్నికల కోసం అన్ని విధాలుగా రెడీ అవుతున్నారు. ఈ క్రమంలోనే పవన్ ఆధ్యాత్మికత వైపు కూడా అడుగులు వేస్తున్నారు. మంగళగిరిలోని పార్టీ ఆఫీస్ లో ఈ రోజు ఉదయం 6.55 గంటలకు ఆయన యాగం ప్రారంభించాడు. రాష్ట్ర ప్రజలు ఆయురారోగ్యాలతో, అష్టైశ్వర్యాలతో విలసిల్లాలనే ఉద్దేశంతో పవన్ ఈ యాగం చేపట్టారు.

 

ఈ మేరకు జనసేన పార్టీ ప్రకటనలో వివరించింది. పార్టీ ఆఫీస్ లోని యాగశాల పరిఢవిల్లుతోంది. ఐదుగురు దేవతా మూర్తులను ప్రతిష్టించినట్టు పార్టీ వివరించింది.

ఈ యాగం కోసం ఆదివారం సాయంత్రమే పవన్ కల్యాణ్‌ పార్టీ ఆఫీస్ కు చేరుకున్నారు. ఎలాంటి హడావిడి లేకుండా రుత్వికుల సమక్షంలో యాగం జరుగుతంది.

రాష్ట్ర ప్రజలు సంక్షేమంగా, ఆయురారోగ్యాలతో ఉండేందుకు ఈ యాగం చేస్తున్నట్టు పార్టీ వివరించింది. త్వరలోనే వారాహి యాత్రను పవన్ కల్యాణ్‌ ప్రారంభించబోతున్నారు. ఈ క్రమంలోనే యాత్ర సక్సెస్ అయ్యేందుకు పవన్ ఈ యాత్రను చేపట్టినట్టు చెబుతున్నారు కొందరు జనసేన నేతలు.

అటు రాష్ట్ర ప్రజలు సంక్షేమం కోసం, ఇటు పవన్ యాత్ర సక్సెస్ కోసం రెండు రకాలుగా ఈ యాగం ఫలితాన్ని ఇస్తుందని భావిస్తోంది జనసేన పార్టీ.

పవన్ కల్యాణ్‌ మొదటి నుంచి హైందవతత్వాన్ని ఎక్కువగా ఆచరిస్తుంటారు. ఇందులో భాగంగానే యాగం చేస్తున్నారు.