Marriage: పెళ్లి కోసం తంటాలు.. ఏకంగా హోర్డింగ్ బోర్డ్ ఎక్కి స‌రిజోడు చూడాలంటూ విన్న‌పం..!

Marriage: ఈ రోజుల్లో బ్యాచిలర్స్ అమ్మాయిల కోసం ప‌డే తంటాలు అన్నిఇన్ని కావు. అమ్మాయిలు దొర‌క్క ప‌లు విధాలుగా ప్ర‌య‌త్నాలు చేస్తున్నారు. ఇప్పుడైతే డేటింగ్ యాప్‌లు కూడా ఉన్నాయి. కానీ ఓ యువకుడు తనకు వధువు కావాలని వీధికెక్కాడు. పెద్ద పెద్ద బోర్డులతో ప్రచారం చేసుకున్నాడు. తనకు సరైన జోడి చూసిపెట్టండంటూ వినూత్నంగా ప్రకటనలు ఇచ్చాడు. ఏదో షాపింగ్ మాల్స్‌కు యాడ్స్ ఇచ్చినట్టు రోడ్లపై పెద్ద బోర్డులు పెట్టాడు.

marriage crazy advitrment
marriage crazy advitrment

ఎన్నో యాప్స్, క్ష‌ణాల‌లో పెళ్లి కూతుళ్ల‌ని వెతికి పెట్టే ప‌లు యాప్స్ ఉన్న ఈ రోజుల్లో త‌న జీవిత భాగస్వామిని వెతుక్కునేందుకు బిల్​బోర్డ్​లను ఆశ్రయించాడు. ‘నాకు సరిజోడి చూసిపెట్టండి’ అంటూ ప్రకటనలు ఇచ్చాడు. ‘అరేంజ్డ్ మ్యారేజ్ నుంచి కాపాడండి’ అంటూ పెద్ద అక్షరాలతో ఉన్న హోర్డింగ్​ను చూసి స్థానికులు ఆశ్చర్యానికి గురవుతున్నారు.

బ్రిటన్లో ఉంటున్న పాకిస్థాన్‌కు చెందిన మహమ్మద్ మాలిక్ లండన్, బర్మింగ్హమ్ నగరాల్లో ‘అరేంజ్డ్ మ్యారేజ్ నుంచి కాపాడండి’ అంటూ పెద్ద అక్షరాలతో ఉన్న హోర్డింగ్‌లు పెట్టించాడు. వాటిని చూసిన వాళ్లు ఆశ్చర్యపోతున్నారు. మొదట్లో అదేదో ప్రాంక్ అనుకుని కొట్టి పారేశారు. అయితే మాలిక్ ఈ ప్రకటనను చాలా సీరియస్‌గా ఇచ్చాడు. దీనికి సంబంధించి తన వెబ్సైట్లో పూర్తి వివరాలు పెట్టాడు.

ఇది జోక్ కాదంటూ క్యాప్షన్ కూడా ఇచ్చాడు. అంతే కాదు కాబోయే వధువు ఎలా ఉండాలో కూడా వివరించాడు. తన తల్లిదండ్రుల బాధ్యత చూసుకోవాలని, 20 ఏళ్లు పైబడిన ముస్లిం మహిళ కోసం వెతుకుతున్నట్టు వెబ్‌సైట్‌లో పేర్కొన్నాడు. ఫ్రెండ్ ఇచ్చిన సలహాతో మాలిక్ ఇలా బిల్ బోర్డు ప్రకటన పెట్టాడు. అయితే ఈ ఐడియా మాలిక్‌కు కలిసొచ్చింది. వందలాది మంది అమ్మాయిలు వెబ్‌సైట్‌లో రిజిస్టర్ చేసుకున్నారని మాలిక్ వెల్లడించారు.

5 Ways Marriage Is Harder in 2017 (and What You Can Do About It)

అంతేకాదు బోర్డులో అరేంజ్డ్ మ్యారేజ్‌కు వ్యతిరేకంగా ప్రకటన ఇచ్చినా.. పెద్దలు కుదిర్చిన పెళ్లి పట్ల తనకు వ్యతిరేకత లేదని చెప్పుకొచ్చాడు. ఇక ఈ బిల్ బోర్డ్ ప్రకటన సోషల్ మీడియాలో వైరల్ అవుతోంది. దీనికి సంబంధించిన ఫోటోలను షేర్ చేస్తూ నెటిజన్లు ఫన్నీగా రియాక్ట్ అవుతున్నారు. త్వరలోనే మాలిక్‌కు మంచి భార్య దొరుకుతుందని అంటున్నారు.