YCP : వైసీపీ ని ఉక్కిరి బిక్కిరి చేస్తున్న ఎస్‌ఈసీ చర్యలు..!?

ycp
ycp

YCP: ఏపీ గ్రామపంచాయితీ జోరు కొనసాగుతుంది. రాష్ట్ర ఎన్నికల కమిషన్, రూల్స్ ప్రకారం వెళ్తున్నా, వైసీపీ పార్టీ ఇబ్బందులు పడుతుంది. ఇప్పటికే నిమ్మగడ్డ రమేష్ కుమార్ పై, ప్రతి రోజు ఎదురు దా-డి చేస్తూనే ఉన్నారు. అయితే నిమ్మగడ్డ మాత్రం తన పని తాను, రాజ్యాంగం ప్రకారం, రూల్స్ ప్రకారం చేస్తూనే ఉన్నారు. ఇక తాజాగా పంచాయతీ ఎన్నికల్లో నిఘాకు ఎస్‌ఈసీ నిమ్మగడ్డ రమేష్ కుమార్, సిబ్బంది చేత వినియోగింప చేస్తున్న యాప్ పై వైసీపీ ఎక్కువ ఆందోళన చెందుతోంది.

ec acts towards ycp elections game వైసీపీ
ec acts towards ycp elections game

ఇక నిమ్మగడ్డను ఓ ఆర్డినెన్స్‌తో తొలగించిన తర్వాత సీఐడీతో దర్యాప్తు చేయించారు. తానే ఆ లేఖ రాశానని నిమ్మగడ్డ చెప్పినా… సంబంధం లేని విజయసాయిరెడ్డి లేఖ రాశారని సీఐడీ కేసు నమోదు చేసి విచారణ జరిపింది. ఎస్‌ఈసీ ఆఫీసులో సిబ్బందిని ప్రశ్నించింది. కంప్యూటర్లు తీసుకెళ్లారు. చివరికి ఏమీ తేల్చలేకపోయారు. కానీ సాక్ష్యాలు తారుమారు చేశారనే వాదన మాత్రం వినిపించారు. ఇప్పుడు యాప్ విషయంలోనూ వారు అదే హడావుడి చేస్తున్నారు. ముందుగా టీడీపీ ఆఫీసులో తయారు చేశారని ఆ యాప్ కంట్రోల్ రూమ్ టీడీపీ ఆఫీసులో ఉంటుందని… అందులో వీడియోలు టీడీపీ నేతలే పంపించగలరని ఇలా అనేక రకాలుగా ప్రచారం చేస్తున్నారు. ఇప్పుడు కోర్టుకు వెళ్లాలని అనుకుంటున్నారు. ఈ యాప్ ఏ విధంగానూ ఎన్నికల ఫలితాలను ప్రభావితం చేసే అవకాశం లేదు.

మరి వైసీపీ ఎందుకు ఇంత కంగారు పడుతోందనే చర్చ నడుస్తోంది. యాప్ ద్వారా రాజకీయ పార్టీల కార్యకర్తలు ప్రలోభాల వీడియోలను పంపవచ్చు. వీటిని పంపితే అవి సాక్ష్యాలుగా ఉంటాయి. ప్రభుత్వం తీసుకొచ్చిన చట్టం ప్రకారం.. ప్రలోభాలకు .. అక్రమాలకు పాల్పడితే జైలు శిక్షతో పాటు పదవి రద్దవుతుంది. ఇప్పుడు వైసీపీ నేతలపై ఎలాగూ చర్యలు తీసుకునే చాన్స్ లేదు. తన పరిధిలో ఉన్నంత వరకూ ఎస్ఈసీ చర్యలు తీసుకుంటారు. ఆయన చర్యలకు ఆదేశించినా ప్రభుత్వ యంత్రాంగం వైసీపీ మద్దతుదారులపై చర్యలు తీసుకునే చాన్స్ ఉండదు. కానీ.. పదవీ కాలం ఐదేళ్లు ఉంటుంది. అసెంబ్లీ ఎన్నికలు జమిలీ జరిగితే మరో రెండేళ్లలోనే వస్తాయి. ఆ తర్వాత పరిస్థితి ఎలా ఉంటుందో చెప్పడం కష్టం. ఈ యాప్ లో వచ్చిన ప్రలోభాల సాక్ష్యాలతో వైసీపీ మద్దతుదారులపై వేటు వేస్తారని.. ఆ ఇబ్బంది లేకుండా అసలు యాప్ ను వినియోగించకుండా చూడాలన్న ఆలోచనకు వైసీపీ వ్యూహకర్తలు వచ్చినట్లుగా చెబుతున్నారు.

Advertisement