Dubbing Artist Srinivasamurthy : ప్రముఖ డబ్బింగ్ ఆర్టిస్టు శ్రీనివాసమూర్తి గుండెపోటుతో కన్నుమూత..!
NQ Staff - January 27, 2023 / 02:00 PM IST
Dubbing Artist Srinivasamurthy : ఇండస్ట్రీలో వరుస విషాదాలు అలుముకుంటున్నాయి. ఈ మధ్య కాలంలో సీనియర్ హీరోలు, యాక్టర్లు వరుసగా కన్ను మూస్తున్నారు. ఈ రోజు ఒకే సారి రెండు విషాదాలు వచ్చాయి. అందులో ఒకటి సీనియర్ యాక్టర్‌ జమున మృతి అయితే.. ఇంకొకటి డబ్బింగ్ ఆర్టిస్ట్‌ శ్రీనివాస మూర్తి మృతి. గత కొంత కాలంగా అనారోగ్యంతో బాధ పడుతున్న శ్రీనివాస మూర్తి ఈ రోజు చెన్నైలో గుండెపోటుతో మరణించాడు.
డబ్బింగ్ రంగంలో సేవలు..
ఆయన మృతిపట్ల సినీ, రాజకీయ నేతలు సంతాపం వ్యక్తం చేస్తున్నారు. ఆయన ఆత్మకు శాంతి చేకూరాలని కోరుకుంటున్నారు. ఆయన తెలుగు, తమిళ ఇండస్ట్రీలో చాలా సుదీర్ఘకాలం పని చేశాడు. డబ్బింగ్ రంగంలో ఎన్నో ఏళ్లుగా సేవలందిస్తున్నారు. తమిళ స్టార్ హీరోలకు తెలుగులో ఆయనే డబ్బింగ్ చెబుతూ ఉంటారు.
సూర్యా, అజిత్, మోహన్ లాల్, రాజశేఖర్, విక్రమ్ ఇలా చాలా మంది స్టార్ హీరోలకు తెలుగులో ఆయన డబ్బింగ్ చెప్పి వారి పాత్రలకు ప్రాణం పోశారు. ఆయన గొంతు చాలా గంభీరంగా ఉంటుంది. అందుకే ఆయన వాయిస్‌ కు చాలామంది ఫ్యాన్స్ ఉన్నారు. ఆయన లాంటి గొప్ప ఆర్టిస్టును కోల్పోవడంపై స్టార్ హీరోలు కూడా విచారం వ్యక్తం చేస్తున్నారు.
