Calf : 8 కాళ్ళతో వింత దూడ జననం.! దేవుడి మహిమేనంటున్న ప్రజలు.!

NQ Staff - December 24, 2022 / 06:02 PM IST

Calf : 8 కాళ్ళతో వింత దూడ జననం.! దేవుడి మహిమేనంటున్న ప్రజలు.!

Calf : సృష్టిలో చాలా వింతలు, విశేషాలు చోటు చేసుకుంటుంటాయ్. వాటికి ‘సైంటిఫిక్ కోణాన్ని’ ఆవిష్కరించేందుకు శాస్త్రవేత్తలూ ప్రయత్నిస్తుంటారు. అది వేరే సంగతి.

కొద్ది రోజుల క్రితం నాలుగు కాళ్ళతో వున్న శిశువుకి ఓ మహిళ జన్మనిచ్చిన విషయం గురించి దేశవ్యాప్తంగా చర్చ జరిగింది. నిజానికి, అది జన్యు లోపంతో జరుగుతుంటుంది.

శరీరాలు అతుక్కుపోయి జన్మించిన వీణ – వాణి మన తెలుగు రాష్ట్రాల్లో సంచలనం. ఆ ఇద్దరూ ఇప్పటికీ కలిసేవున్నారు. వారిని విడదీయడం సాధ్యమయ్యే పని కాదు.

8 కాళ్ళతో దూడ జననం..

తాజాగా ఓ దూడ 8 కాళ్ళతో జన్మించింది. సాధారణంగా అయితే దూడకి నాలుగు కాళ్ళు మాత్రమే వుంటాయి. ఉమ్మడి తూర్పుగోదావరి జిల్లాలోని గోకవరంలో ఈ వింత ఘటన చోటు చేసుకుంది.
తొలుత వింత జీవి అనుకున్నారు. ఆ తర్వాత దేవుడి మహిమ.. అంటూ ప్రచారం జరగడంతో పెద్ద సంఖ్యలో ఆ వింత దూడని చూసేందుకు జనం వచ్చారు.

చివరికి అది కూడా జన్యులోపంతో పుట్టిన దూడ అని పశు వైద్యులు తేల్చేసరికి అంతా సైలెంటయిపోయారు. గర్భస్థ దశలో జన్యు సమస్యల వల్ల ఇలాంటివి జరుగుతుంటాయి.

Read Today's Latest Trending in Telugu. Get LIVE Telugu News Updates on TheNewsQube

Follow Us