Time Machine : టైమ్ మెషీన్ వచ్చేసిందహో.! అది కాదండీ, నిజం నమ్మండీ.!
NQ Staff - December 8, 2022 / 11:45 AM IST
Time Machine : టైమ్ మెషీన్ వచ్చేసిందంటూ సోషల్ మీడియాలో పెద్దయెత్తున ప్రచారం జరుగుతోంది. బోల్డన్ని కట్టు కథలు అల్లబడుతున్నాయి. అప్పుడెప్పుడో ‘ఆదిత్య 369’ సినిమాలో చూసిన టైమ్ మెషీన్ లాంటిదే, తెలంగానలోని వికారాబాద్లో ఓ రైతు వ్యవసాయ భూమిలో దిగింది. దాంతో, అంతా విస్తుపోయారు.
అరరె.! అది టైమ్ మెషీన్ కాదు. గ్రహాంతరవాసుల వాహనమూ కాదు. ఆకాశంలో పరిధోధనల నిమిత్తం హీలియం బెలూన్ సాయంతో ప్రయోగించిన ఓ పరికరం మాత్రమేనని నిపుణులు మొత్తుకోవాల్సి వచ్చింది.
ఆకాశంలో వింత..
ఆకాశంలో ఎగురుతూ వున్న బెలూన్ లాంటి ఆకారాన్ని చూసి చాలా ప్రాంతాల్లో ప్రజలు కంగారు పడ్డారు. పలువురు సినీ ప్రముఖులకూ ఈ విషయమై సందేహం వచ్చింది. కొందరు ఆ బెలూన్ తాలూకు వీడియోల్ని, ఫొటోల్ని సోషల్ మీడియాలో షేర్ చేశారు.
నిపుణులు ఆ ఫొటోలు, వీడియోలపై స్పష్టతనిచ్చినా పుకార్లు మాత్రం ఆగలేదు. వికారాబాద్ జిల్లా మర్పల్లి మండలంలోని మొగిలి గుండ్ల వద్ద దిగిన బెలూన్ని చూసి చాలామంది భయపడ్డారు. అంతలోనే, ఆ వస్తువుని చూసేందుకు జనం పోటెత్తారు.
అధికారులకు సమాచారం అందడంతో, అక్కడికి వెళ్ళి పరిశీలించి, అది ఆకాశంలో వాతావరణ ప్రయోగాల నిమిత్తం పంపిన బెలూన్, పరికరం అని తేల్చారు. దాంతో అంతా ఊపిరి పీల్చుకున్నారు.
Vikarabad pic.twitter.com/yJ5IFmR4sQ
— G narsingrao (@Gnarsin85245826) December 7, 2022