Actress Vijayashanthi : ఎన్టీఆర్ నా ఇంటికి వచ్చి క్షమాపణలు చెప్పారు.. విజయశాంతి సంచలన వ్యాఖ్యలు..!
NQ Staff - May 28, 2023 / 09:35 AM IST
Actress Vijayashanthi : సీనియర్ ఎన్టీఆర్ గురించి ఎంత చెప్పినా ఇంకా కొంచెం మిగిలే ఉంటుంది. ఎందుకంటే ఆయన మహోన్నతమైన స్థానం అలాంటిది. అయితే ఇప్పుడు ఆయన శతజయంతి ఉత్సవాలు జరుగుతున్న సంగతి తెలిసిందే. ఈ సందర్భంగా ఆయన గురించి సీనియర్ నటి విజయశాంతి ఓ ఇంట్రెస్టింగ్ పోస్టు పెట్టింది.
ఇందులో ఎన్టీఆర్ మహోన్నతమైన వ్యక్తిత్వాన్ని చిన్న ఉదాహరణతో వివరించింది. ఆమె ట్వీట్ లో ఇలా ఉంది.. 1990లో నేను చిరంజీవి గారితో ఏవీఎం స్టూడియోలో సినిమా చేస్తున్నా. అదే స్టూడియోలో డబ్బింగ్ థియేటర్ లో మహర్షి విశ్వామిత్ర సినిమాకు సీనియర్ ఎన్టీఆర్ డబ్బింగ్ చెబుతున్నారు.
ఆ విషయం తెలుసుకున్న నేను.. ఆయన్ను కలవడానికి డబ్బింగ్ థియేటర్ కు వెళ్లాను. అక్కడ అంతా చీకటి ఉండటంతో ఎన్టీఆర్ గారు నన్ను చూడకుండా వెళ్లిపోయారు. తర్వాత నేను వచ్చిన విషయం తెలుసుకున్నారు. దాంతో మరుసటి రోజు ఉదయమే చెన్నైలోని మా ఇంటికి వచ్చారు.
అప్పటికే నేను సినిమా షూటింగ్ కోసం హైదరాబాద్ కు ఫ్లైట్ లో బయలు దేరాను. నేను అమ్మాయిని చూసుకోలేదు. పొరపాటు జరిగింది బిడ్డకు తెలియజేయండి అంటూ శ్రీనివాస్ ప్రసాద్ గారికి చెప్పి వెళ్లిపోయారు. అంతటితో ఆగకుండా నేను హైదరాబాద్ లో ఉన్న ఫోన్ నెంబర్ తీసుకుని నాకు ఫోన్ చేసి సారీ చెప్పారు. ఆ ఘటనను నా జీవితంలో మర్చిపోలేను. సాటి కళాకారుల పట్ల ఆయనకు ఉన్న బాధ్యత అలాంటిది అంటూ ఎన్టీఆర్ ను గుర్తు చేసుకుంది విజయశాంతి.
అయితే ఈ విషయం తెలుసుకున్న ఎన్టీఆర్ గారు తర్వాతి రోజు ఉదయం 6 గంటలకే మద్రాసులో మా ఇంటికి వచ్చి, (నేను ఆ ఉదయం ప్లయిట్‌కి హైదరాబాదులో షూటింగ్‌కి వెళ్లాను) అమ్మాయిని మేము చూసుకోలేదు.
— VIJAYASHANTHI (@vijayashanthi_m) May 27, 2023
పొరపాటు జరిగింది, ఐయామ్ సారీ, బిడ్డకు తెలియజేయండి అని శ్రీనివాస్ ప్రసాద్ గారితో చెప్పిన సంఘటన ఎన్ని సంవత్సరాలైనా గుర్తుగానే, గౌరవంగానే మిగులుతాది.
— VIJAYASHANTHI (@vijayashanthi_m) May 27, 2023
అంతేగాక, ఆ రోజు నేను హైదరాబాదులో ఉన్న ఫోన్ నెంబర్ తెలుసుకుని, ఫోన్ చేసి మరీ "జరిగింది పొరపాటు మాత్రమే అమ్మా, I am extremely sorry …" అని చెప్పినంతవరకూ.. సాటి కళాకారుల గౌరవాన్ని కాపాడే బాధ్యతను విస్మరించని ఆ మహోన్నత వ్యక్తిని ఎంతగా ప్రశంసించినా తక్కువే…
— VIJAYASHANTHI (@vijayashanthi_m) May 27, 2023
బ్రహ్మర్షి విశ్వామిత్ర చిత్రం డబ్బింగ్ ఎన్టీఆర్ గారు ఏవీఎం స్టూడియోలో చెబుతున్నప్పుడు 1990లో నేను చిరంజీవిగారితో అదే స్టూడియోలో సినిమా చేస్తూ వారిని డబ్బింగ్ థియేటర్‌లో కలవడానికి వెళ్లినప్పుడు,డబ్బింగ్ థియేటర్ యొక్క వెలుతురు లేని వాతావరణంలో వారు నన్ను సరిగా గమనించలేదని బాధపడ్డాను
— VIJAYASHANTHI (@vijayashanthi_m) May 27, 2023
