Marriage : బుల్లెట్టు బండి బలాదూర్.! కేరళ నవ వధువు కొత్త రికార్డ్.!

Marriage : ‘బుల్లెట్టు బండి’ పాట గుర్తుంది కదా.? నిజానికి, ఆ పాట వైరల్ అయ్యింది.. ఓ పెళ్ళి వేడుక వల్ల. ఓ నవ వధువు ఆ పాటకి డాన్సులేసి అందర్నీ ఆశ్చర్యపరిచింది. అలా ఆ పాట వైరల్ అయ్యింది.

తెలుగు రాష్ట్రాల్లో బుల్లెట్టు బండి పాట తెలియనివారెవరూ వుండరంటే అది అతిశయోక్తి కాదేమో. ఇప్పుడు ఆ బుల్లెట్టు బండి తాలూకు వీడియోని మించిపోయింది ఇంకో వీడియో. చెందా అనే సంగీత వాయిద్యం వాయిస్తూ ఓ నవ వధువు చేసిన సందడి సోషల్ మీడియాలో వైరల్ అయ్యింది.

చెందా.. చితక్కొట్టేసిందంతే..

ఓ యువతి సంగీత వాయిద్యాన్ని వాయించేస్తోంటే.. అది చూసి అంతా ఆశ్చర్యపోయారు. కేరళలో జరిిందీ ఘటన. పెళ్ళి వేదిక వద్దనే వధువు, చెందా అనే సంగీత వాయిద్యాన్ని లయబద్ధంగా వాయించింది. అంతేనా, తన్మయత్వంతో ఊగిపోయి.. ఓ మోస్తరుగా డాన్స్ కూడా చేసింది.

వధువు తండ్రి చెందాయ్ మాస్టర్ కావడం గమనార్హం. ఆయన కూడా తన కుమార్తెతో కలిసి సంబరాల్లో మునిగిపోయాడు. ఓ నెటిజన్ ఈ మొత్తం తతంగాన్ని సోషల్ మీడియాలో పోస్ట్ చేశాడు.
నవ వధువు ఎనర్జీ, ఆమెకు ఈ వాయిద్యం పట్ల వున్న అవగాహన.. వీటి గురించి ఇప్పుడు ప్రపంచమంతా మాట్లాడుకుంటోంది.

A marriage function in guruvayoor temple today. The brides dad is Chendai master and the daughter plays it enthusiastically with her dad also joining at the end. The groom also seems to be participating. pic.twitter.com/VgoQbIhwhh

— BRC-SBC (@LHBCoach) December 26, 2022