Child: 16 కోట్లు లేక చిన్నారి ప్రాణాన్ని కాపాడుకోలేక‌పోయిన తల్లిదండ్రులు

Child: ఇటీవ‌లి కాలంలో చిన్నారులు విచిత్ర స‌మ‌స్య‌ల‌తో బాధ‌ప‌డుతూ వ‌స్తున్నారు.ఎంతో అపురూపంగా చూసుకోవాల‌ని, వారిని ఉన్నత స్థానంలో చూడాల‌ని త‌ల్లిదండ్రులు భావిస్తున్న నేప‌థ్యంలో కోరిక‌లు క‌ల‌లుగానే మిగిలిపోతున్నాయి. రోజురోజుకు కొత్త రోగాలు పుట్టుకొస్తుండ‌డం, అభం శుభం తెలియ‌ని చిన్నారాలు మృత్యువాత ప‌డుతుండ‌డం ప్ర‌తి ఒక్క‌రికి కంట క‌న్నీరు పెట్టిస్తుంది.

child

తాజాగా 16 కోట్ల రూపాయ‌ల ఇంజెక్ష‌న్ స‌మ‌కూర్చ‌లేక ఓ జంట త‌మ చిన్నారిని కోల్పోవ‌ల‌సి వచ్చింది. ఈ విషాద ఘ‌ట‌న ప్ర‌తి ఒక్క‌రికి కంట క‌న్నీరు తెప్పిస్తుంది. వివ‌రాల‌లోకి వెళితే రాజ‌స్థాన్‌లోని బీకానేర్ జిల్లాలో 6 నెల‌ల పాట నూర్ ఫాతిమాకు అరుదైన వ్యాధి వ‌చ్చింది. ఆ వ్యాధిని న‌యం చేయాలంటే ప్ర‌త్యేక ఇంజెక్ష‌న్ అవ‌స‌రం అది మ‌న భార‌త్‌లో దొర‌క‌దు.

విదేశాల నుండి తెప్పించాలంటే దాదాపు16 కోట్ల రూపాయ‌లు ఖ‌ర్చ‌వుతుంది. అంత ఖ‌ర్చు పెట్టే స్థోమ‌త త‌ల్లిదండ్రుల‌కు లేదు. ఈ క్ర‌మంలో చిన్నారి క‌న్నుమూసింది. స్పైన‌ల్ మ‌స్కుల‌ర్ అట్రోపీ (ఎస్ఎమ్ఏ) అనే జ‌న్యువు లోపం వ‌ల‌న నాడీలో వ్యాధి సంభ‌విస్తుంది. మాట‌ను, న‌డ‌కను, ఆహారం, మింగ‌టాన్ని నియంత్రించే మెద‌డు క‌ణాల‌ను ఈ వ్యాధి క్ర‌మ‌క్ర‌మంగా నశింప‌జేస్తుంది.

కండ‌రాల‌ను బ‌ల‌హీన‌ప‌ర‌చ‌డం, పాలు తాగేందుకు, ఊపిరి పీల్చుకునేందుకు కూడా ఇబ్బంది ప‌డేలా చేస్తుంది ఈ వ్యాధి. దీన్ని న‌యం చేయాలంటే జోల్‌జెన్‌స్మా అనే ఇంజ‌క్ష‌న్ ఇవ్వాలి. అమెరికా నుండి ఈ ఇంజెక్ష‌న్ తెప్పించాలంటే దాదాపు 16 కోట్ల రూపాయ‌లు అవ‌స‌రం అవుతుంది. కాని ఆ స్థోమ‌త పాప త‌ల్లిదండ్రుల‌కు లేదు. కొంత మంది దాత‌లు, స్వ‌చ్ఛంద సంస్థ‌ల సాయం కోరినా కూడా విరాళాలు స‌రిపోలేదు. ఈ క్ర‌మంలో ప‌సిబిడ్డ‌ ప్రాణాలు విడించింది.

ఇలాంటి కేసులు దేశంలో దాదాపు 800 మంది వ‌ర‌కు ఉంటార‌ని అంచ‌నా. తొమ్మిది నెల‌ల పాటు త‌న గ‌ర్భంలో కంటికి రెప్పలా కాపాడుకున్న త‌ల్లి చిన్నారి అరుదైన వ్యాధితో క‌న్నుమూసింద‌ని తెలిసి శోక సంద్రంలో మునిగి పోయింది. ఇలాంటి వ్యాధి ఎవ‌రికి రాకూడ‌ద‌ని అంద‌రు కోరుకుంటున్నారు.