Pawan Kalyan : ప‌వ‌న్ వ‌ల‌న సాయి ధ‌ర‌మ్ తేజ్ భ‌విష్య‌త్ దెబ్బ‌తింది.. త‌మ్మారెడ్డి సెన్సేష‌న‌ల్ కామెంట్స్

Pawan Kalyan : మెగా హీరో సాయిధ‌ర‌మ్ తేజ్ న‌టించిన రిప‌బ్లిక్ చిత్ర ప్రీ రిలీజ్ ఈవెంట్ కి ప‌వ‌న్ క‌ళ్యాణ్ చీఫ్ గెస్ట్‌గా హాజ‌రు అయిన సంగ‌తి తెలిసిందే. ఆయ‌న మీడియాతో పాటు వైసీపీ ప్ర‌భుత్వంపై కూడా విరుచుకుప‌డిన విష‌యం తెలిసిందే. దీనిపై అప్ప‌ట్లో జోరుగా చ‌ర్చ‌లు న‌డిచాయి. అయితే తాజాగా పవ‌న్ క‌ళ్యాణ్ మాట‌ల‌పై త‌మ్మారెడ్డి భ‌ర‌ద్వాజ్ స్పందించారు.

Tammareddy about Pawan Kalyan and Sai Dharaj Tej
Tammareddy about Pawan Kalyan and Sai Dharaj Tej

‘టికెట్ ఇష్యూ అనేది ఇప్పుడే వచ్చిందేం కాదు.. చాలా ఏళ్లుగా ఇండస్ట్రీలో ఉన్న సమస్యే.. కోర్టుల వరకూ వెళ్లి సందర్భాలు ఉన్నాయి. జీవో నె.35 కూడా అలాంటిదే. పుండు పడితే మందు వేయాలి కానీ.. దాన్ని నరికితే ఇదిగో ఇలాగే అవుతుంది. నీకు ప్రభుత్వం అంటే ఇష్టం లేదని.. నువ్ ఇష్టమొచ్చినట్టు తిడితే.. వాళ్లు నీకంటే ఎక్కువ తిడతారు. వాళ్లు వీళ్లు తిట్టుకుని ఇండస్ట్రీ కొంప ముంచారు.

Tammareddy about Pawan Kalyan and Sai Dharaj Tej
Tammareddy about Pawan Kalyan and Sai Dharaj Tej

పవన్ కళ్యాణ్, నాని, సిద్దార్ధ్ వీళ్లంతా మాట్లాడింది చూస్తే చిన్నపిల్లలు మాట్లాడినట్టుగా ఉంది. పవన్ కళ్యాణ్ టికెట్ ఇష్యూపై సాయి ధరమ్ తేజ్ ‘రిపబ్లిక్’ సినిమా ఈవెంట్‌లో మాట్లాడటం ఏంటి? ఆయన అక్కడ మాట్లాడటం వల్ల ఇండస్ట్రీకి లాభం లేదు.. రిపబ్లిక్ సినిమా నష్టం వచ్చింది నా లెక్క ప్రకారం. రిపబ్లిక్ సినిమా అందరూ చూడాల్సిన సినిమా.

ఆ సినిమా ఫంక్షన్‌కి వెళ్లి రూలింగ్‌లో ఉన్న వైసీపీ పార్టీని తిడితే నష్టమే కదా.. వైసీపీ అధికారంలో ఉంది.. టోటల్‌గా 53 శాతం ఓట్లు ఆ పార్టీకి పడ్డాయి.. అందులో 10 శాతం మంది సినిమా చూడటం మానేసినా సినిమాకి తీవ్ర నష్టమే. రిపబ్లిక్ సినిమా రిజల్ట్ ఎంత బ్యాడ్ అంటే.. సాయి ధరమ్ తేజ్ సినిమాకి విపరీతమైన ఓపెనింగ్స్ వచ్చేవి. కానీ రిపబ్లిక్ సినిమాకి ఓపెనింగ్స్ రాకుండా పోయాయి. పవన్ కళ్యాణ్ మాట్లాడటం వల్లే ‘రిపబ్లిక్’ సినిమా పోయింది. అనసవరంగా మంచి సినిమాని చంపేశారు.

జనసేన పార్టీ ఆఫీస్‌లో కూర్చొని ఎన్నైనా తిట్టుకోండి.. ఏం పర్లేదు.. కానీ సినిమా ఫంక్షన్‌కి వచ్చి వైసీపీని తిడితే ఆ కుర్రాడి భవిష్యత్ దెబ్బతిన్నది. పవన్ కళ్యాణ్ అలా చేయాల్సింది కాదు. ఆయన ఉద్దేశ్యం మంచిదే కావచ్చు.. ఆ మాటలు తప్పా కరెక్టా అని కూడా నేను ప్రస్తావించను.. కానీ మాట్లాడాల్సిన సందర్భం కాదు.

ఆయన జనసేన పార్టీ ప్రెసిడెంట్.. అది మాట్లాడు ఇది మాట్లాడు అని చెప్పడం కూడా కరెక్ట్ కాదు. ఆ ప్లేస్‌లో మాట్లాడటం వల్ల ‘రిపబ్లిక్’ సినిమాకి నష్టం వచ్చింది.. ఇండస్ట్రీకి కూడా ఎంతో కొంత నష్టం వచ్చింది’ అంటూ ఆసక్తికర వ్యాఖ్యలు చేశారు తమ్మారెడ్డి భరద్వాజ.