Rashmika Mandanna : పుష్ప టైటిల్స్‌లో దొర్లిన త‌ప్పులు.. మ‌డోన్నా అని రావ‌డంతో ట్రోల్స్

Rashmika Mandanna : ఇప్పుడు ఎక్క‌డ చూసిన పుష్ప చిత్రం గురించే చ‌ర్చ న‌డుస్తుంది. డిసెంబ‌ర్ 17న విడుద‌లైన ఈ చిత్రం జ‌న‌వ‌రి 7న ఓటీటీలో విడుద‌లై అంద‌రి ప్ర‌శంస‌లు అందుకుంటుంది. పుష్ప` చిత్రం తెలుగుతోపాటు తమిళం, కన్నడ, మలయాళం, హిందీలోనూ విడుదలైంది. అన్ని చోట్ల విజయవంతంగా రన్‌ అవుతుంది.

Rashmika Mandanna name changed as Rasmika madona 1
Rashmika Mandanna name changed as Rasmika madona 1

ఈ చిత్రం మూడు వందల కోట్లకుపైగా కలెక్షన్లని రాబట్టడం విశేషం. ఏకంగా హిందీలోనే 75కోట్లు కలెక్ట్ చేసిందని ట్రేడ్‌ వర్గాలు చెబుతున్నాయి. ఎలాగూ రష్మిక బాలీవుడ్‌లో సినిమాలు చేస్తుంది. దీంతో ఇది కూడా `పుష్ప` చిత్రానికి కలిసొచ్చిందని చెప్పొచ్చు. `పుష్ప` చిత్రం శుక్రవారం అమెజాన్‌ ప్రైమ్‌లో విడుదలైంది. హిందీ వెర్షన్‌ కాకుండా తెలుగు, తమిళం, కన్నడ, మలయాళంలో మాత్రమే స్ట్రీమింగ్‌ అవుతుంది.

Rashmika Mandanna name changed as Rasmika madona
Rashmika Mandanna name changed as Rasmika madona

ఓటీటీలోనూ దీనికి మంచి స్పందన లభిస్తుందట. కానీ ఇక్కడే చిన్న చిక్కొచ్చి పడింది. డబ్బింగ్‌లో చాలా మిస్టేక్స్ ఉన్నాయని కంప్లెయింట్‌ చేస్తున్నారు వ్యూవర్స్. సినిమాలోని మిస్టేక్స్ కి సోషల్‌ మీడియాలో పంచుకుంటూ పరువు తీస్తున్నారు. తాజాగా రష్మిక పేరు మారిపోయింది. ఆమె పేరు సైతం తప్పుగా పడిందట.

సినిమాలో ఎలాంటి తప్పులు లేవు కానీ చివరికి టైటిల్స్ విషయంలో మాత్రం అడ్డంగా బుక్ అయిపోయాడు. హీరోయిన్ రష్మిక మందన్న పేరును మార్చేసింది అమెజాన్. ఆమె పేరును రష్మిక మందన్న అయితే.. అక్కడ రష్మిక మడోనా అని పడింది. అలా కనిపించేసరికి సోషల్ మీడియాలో ట్రోలింగ్ మొదలైంది.

రష్మిక మందన్న మాకు తెలుసు.. ఈ రష్మిక మడోనా ఎవరబ్బా అంటూ అప్పుడే రచ్చ మొదలైపోయింది. మరి ఈ పేరు తప్పు అని అమెజాన్ వరకు వెళ్లిందో లేదో తెలియదు కానీ ఇప్పటికీ అలాగే కంటిన్యూ అవుతుంది. ఇప్పుడు స్ట్రీమ్ అవుతున్న సినిమాలో సైతం రష్మిక మడోనా అనే పేరు కనిపిస్తుంది. అది చూసి ట్రోలింగ్ మరింత పెరుగుతుంది.