Bimbisara : యంగ్ టైగర్ ఎన్టీయార్, ‘బింబిసార’ సినిమాని, ఆ సినిమా ప్రీ రిలీజ్ ఈవెంట్ కంటే ముందే చూసేశాడు. ప్రీ రిలీజ్ వేడుక తర్వాత, సినిమా రిలీజ్‌కి ముందు కూడా ఇంకోసారి చూసేశాడు.. రెండోసారి సతీసమేతంగా సినిమాని వీక్షించిన యంగ్ టైగర్ ఎన్టీయార్, తాజాగా ఈ సినిమాకి సంబంధించి ‘మినీ రివ్యూ’ ఇచ్చేశాడు ట్విట్టర్ ద్వారా.
నిజానికి, ‘బింబిసార’ సినిమాని పూర్తిగా తన భుజాల మీద మోసినట్లుగా, సినిమాని ప్రమోట్ చేస్తూ వస్తున్నాడు యంగ్ టైగర్ ఎన్టీయార్. తన అన్న కళ్యాణ్ రామ్ ఎంతో మనసు పెట్టిన సినిమా కావడంతో, తనవంతుగా ఈ సినిమా కోసం పబ్లిసిటీ చేస్తూ వచ్చిన యంగ్ టైగర్, తాజాగా ‘మినీ రివ్యూ’తో సినిమాకి మాంఛి కిక్ ఇచ్చాడని చెప్పక తప్పదు.
ప్రీ రిలీజ్ ఈవెంట్‌లోనూ అదే చెప్పాడు..
‘బింబిసారుడి’ పాత్రకి నువ్వు తప్ప, ఇంకెవరూ సరిపోరు.. అంటూ అన్న కళ్యాణ్ రామ్ గురించి ప్రీ రిలీజ్ ఈవెంట్‌లోనే యంగ్ టైగర్ ఎన్టీయార్ చెప్పాడు. అదే మాటని, తాజాగా తన మినీ రివ్యూలోనూ పేర్కొన్నాడు ఎన్టీయార్.
దర్శకుడు వశిష్ట, కొత్త దర్శకుడిలా చేయలేదనీ, అనుభవం వున్న దర్శకుడిలా సినిమాని అద్భుతంగా తెరకెక్కించాడని కొనియాడాడు యంగ్ టైగర్ ఎన్టీయార్. కీరవాణి బ్యాక్‌గ్రౌండ్ స్కోర్‌ని కూడా ప్రత్యేకంగా అభినందించాడు నందమూరి తారకరాముడు.
తాను ఎలాగైతే సినిమాని తొలిసారి చూసినప్పుడు ప్రత్యేకమైన అనుభూతికి లోనయ్యానో, సినీ ప్రేక్షకులంతా ఈ సినిమాని చూశాక అదే అనుభూతిని చెందుతున్నారని ఎన్టీయార్ తన ట్వీటు ద్వారా వెల్లడించాడు.
.@NANDAMURIKALYAN anna you are irreplaceable as King Bimbisara. @DirVassishta handled the film like a pro. The legendary @mmkeeravaani garu is the backbone of #Bimbisara.
Shoutout to all the actors and technicians who made this a success.
— Jr NTR (@tarak9999) August 5, 2022
