Gautham Karthik And Manjima Mohan : వైవాహిక బంధంతో ఒక్కటై హీరో గౌతమ్ కార్తీక్, హీరోయిన్ మంజిమ.!

Gautham Karthik And Manjima Mohan : ప్రముఖ నటుడు కార్తీక్ తనయుడు గౌతమ్ కార్తీక్ ఓ ఇంటివాడయ్యాడు. తెలుగులో అక్కినేని నాగచైతన్య సరసన ‘సాహసం శ్వాసగా సాగిపో’ చిత్రంలో హీరోయిన్‌గా నటించిన మలయాళ ముద్దుగుమ్మ మంజిమ మోహన్ గుర్తుందా.? ఆమెనే పెళ్ళాడాడు గౌతమ్ కార్తీక్.

 

గత కొంతకాలంగా గౌతమ్ కార్తీక్, మంజిమ మోహన్ మధ్య ప్రేమాయణం నడుస్తోంది. తొలుత స్నేహం, ఆ తర్వాత ప్రేమ.. చివరికి పెద్దల్ని ఒప్పించి పెళ్ళిపీటలెక్కారు గౌతమ్ కార్తీక్, మంజిమ మోహన్.

మణిరత్నం ‘కడలి’లో నటించిన గౌతమ్ కార్తీక్..

గౌతమ్ కార్తీక్, ప్రముఖ దర్శకుడు మణిరత్నం తెరకెక్కించిన ‘కడలి’ సినిమాలో నటించాడు. ఆ సినిమాలో సీనియర్ నటి రాధ చిన్న కుమార్తె హీరోయిన్‌గా నటించింది.

అన్నట్టు మెగాబ్రదర్ నాగబాబు కుమార్తె నిహారిక కొణిదెల నటించిన ఓ తమిళ సినిమాలోనూ గౌతమ్ కార్తీక్ హీరోగా నటించాడు. ఇక, మంజిమ పలు మలయాళ సినిమాల్లో నటించింది.

కొన్నాళ్ళ క్రితం కాలికి గాయం కావడంతో ఆమె సినిమాలకు కొంత దూరమయ్యింది. ఆ ప్రమాదం వల్లే అనూహ్యంగా బరువు పెరిగిందామె. ఆ సమయంలో గౌతమ్ కార్తీక్ ఆమెకు అండగా నిలిచాడు.
కొత్త జంట గౌతమ్ కార్తీక్ – మంజిమ మోహన్‌కి పలువురు సినీ ప్రముఖులు విషెస్ అందిస్తున్నారు.