Samantha : చైతూకి త‌ప్ప అంద‌రికి విషెస్ చెబుతున్న సమంత.. నిన్ను అలా పిలవడం సంతోషం అంటూ కామెంట్
NQ Staff - March 30, 2022 / 04:59 PM IST
Samantha : సమంత ఇటీవ‌లి కాలంలో సోష‌ల్ మీడియాలో చాలా యాక్టివ్‌గా ఉంటుంది. స‌మాజంలో జ‌రిగే సంఘ‌ట‌న‌ల‌తో పాటు తన ప‌ర్స‌న‌ల్ విష‌యాలు, ప్రొఫెష‌న‌ల్ విష‌యాలు షేర్ చేస్తూ అభిమానుల‌ని అల‌రిస్తుంది. అయితే చైతూ నుండి విడిపోయిన త‌ర్వాత సమంత అత‌ని ఊసే ఎత్త‌డం లేదు, అలానే ఆయ‌న బర్త్ డేకి శుభాకాంక్ష‌లు కూడా చెప్ప‌లేదు. అక్కినేని, ద‌గ్గుబాటి ఫ్యామిలీ అంద‌రిని ప‌ల‌క‌రిస్తూ ఉన్న సమంత .. చైతూకి మాత్రం దూరంగా ఉంటుంది.
samantha_ruth_prabhu
ఇటీవ‌ల సమంత మాత్రం ప్రతీ ఒక్క సెలెబ్రిటీ బర్త్ డేకు స్పందిస్తోంది. బాలీవుడ్, టాలీవుడ్ అన్నా తేడా లేకుండా హీరో, హీరోయిన్లు అని తేడా లేకుండా అందరికీ విషెస్ చెబుతోంది. కానీ ఆ మధ్య నాగ చైతన్య బర్త్ డేను మాత్రం వదిలేసింది. తాజాగా నితిన్ బర్త్ డే సందర్భంగా అతనికి విషెస్ చెప్పింది.
సమంత, నితిన్ కలిసి అఆ సినిమాలో నటించిన సంగతి తెలిసిందే. ఈ చిత్ర షూటింగ్ సమయంలో కొన్ని వివాదాస్పదాలు కూడా వచ్చాయి. నితిన్, సమంతల మధ్య ఏవో గొడవలు జరిగాయనే టాక్ బయటకు వచ్చింది. కానీ అవన్ని గాలి వార్తలేనని తరువాత అందరికీ అర్థమైంది. అఆ సినిమా బ్లాక్ బస్టర్‌గా నిలిచిన సంగతి తెలిసిందే.
నితిన్ ప్రస్తుతం తన కొత్త సినిమా అప్డేట్‌తో నెట్టింట్లో సందడి చేస్తున్నాడు. మాచర్ల నియోజకవర్గం ఫస్ట్ అటాక్ వదిలిన టీజర్ ఇప్పుడు వైరల్ అవుతోంది. అయితే సమంత చెప్పిన విషెస్, వేసిన పోస్ట్‌లోనూ మాచర్ల నియోజకవర్గం గురించి చర్చ వచ్చింది. హ్యాపీ బర్త్ డే టు.. మోస్ట్ వండర్ ఫుల్ హ్యాూమన్ బీయింగ్.. నిన్ను ఫ్రెండ్ అని పిలవడం నాకు ఎంతో సంతోషంగా అనిపిస్తుంది.. ఈ ఏడాది అంతా నీకు మంచే జరగాలి.. గాడ్ బ్లెస్ యూ అంటూ సమంత పోస్ట్ పెట్టేసింది.
samantha
ప్రస్తుతం సమంత టాలీవుడ్, బాలీవుడ్, కోలీవుడ్ అనే భేదం లేకుండా అన్ని భాష‌ల‌లో సినిమాలు చేస్తుంది. యశోద సినిమాను వీలైనంత త్వరగా పూర్తి చేయాలని సమంత భావిస్తోన్నట్టు తెలుస్తోంది. ఇక సమంత చేసిన అటాక్ చాలెంజ్ వర్కవుట్లు తెగ వైరల్ అవుతున్నాయి. బాలీవుడ్ నటుడు అర్జున్ కపూర్‌కు సమంత ఈ చాలెంజ్‌ను విసిరిన సంగతి తెలిసిందే.
