PV Sindhu: వావ్ సింధు.. మొత్తానికి సెమీ ఫైన‌ల్ బెర్త్ క‌న్‌ఫాం చేసుకుందిగా..!

PV Sindhu: తెలుగు తేజం పీవీ సింధు ఏ మ్యాచ్‌లో అయిన ప్ర‌త్య‌ర్ధిని ఎన్ని ఇబ్బందుల‌కు గురి చేస్తుందో ప్ర‌త్యేకంగా చెప్ప‌న‌క్క‌ర్లేదు. షార్ప్‌ కట్స్‌.. అక్యూరసీ షాట్స్‌.. బుల్లెట్‌లా దూసుకెళ్లే స్మాష్‌లు.. ఎదురులేని స్ట్రోక్‌లు.. షటిల్‌పై సంపూర్ణ నియంత్రణ‌తో ప్ర‌త్య‌ర్ధుల‌కు ముచ్చెమ‌టలు ప‌ట్టిస్తుంటుంది. భారీ అంచ‌నాల‌తో ఒలంపిక్స్‌లోకి అడుగుపెట్టిన పీవీ సింధు మొద‌టి నుండి మంచి జోరు మీదుంది.

PV Sindhu

టోక్యో ఒలింపిక్స్‌లో స్వర్ణ పతకమే టార్గెట్‌గా బరిలోకి దిగిన పీవీ సింధు డెన్మార్క్‌కు చెందిన మియా బ్లిచ్‌ఫెల్ట్‌ను 21-15, 21-13 తేడాతో ఓడించి క్వార్టర్స్‌లో అడుగుపెట్టింది. ధాటిగా ఆడిన సింధు ఈ మ్యాచ్‌ను 41 నిమిషాల్లోనే ముగించింది. తొలి గేమ్‌లో కాస్త తడబడి ప్రత్యర్థికి పుంజుకునే అవకాశం ఇచ్చిన సింధు ఆ లోపాల‌ను స‌రిజేసుకొని రెండో మ్యాచ్‌లో అద‌ర‌గొట్టింది.

గ్రూఫ్‌- జెలో భాగంగా హాంకాంగ్‌కు చెందిన చియాంగ్ ఎంగన్‌తో జరిగిన మ్యాచ్‌లో 21-9, 21-16తో వరుస గేముల్లో గెలుపొంది క్వార్టర్స్‌కు చేరుకుంది. తొలి గేమ్‌ను 15 నిమిషాల్లోనే సునాయాసంగా సొంతం చేసుకున్న సింధుకు.. రెండో గేమ్‌లో ప్రత్యర్థి నుంచి తీవ్ర ప్రతిఘటన ఎదురైంది.అయిన‌ప్ప‌టికి తన ప్రత్యర్థికి అవకాశమివ్వకుండా దెబ్బకొడుతూ వ‌రుస‌గా పాయింట్లు సాధించింది . గ్రూప్-జే టాప‌ర్‌గా సింధు ప్రిక్వార్టర్స్‌లో అడుగుపెట్టింది.

ఇక సెమీ ఫైన‌ల్ కోసం హై వోల్టేజ్ ఫైట్ జ‌రిగింది. క్వార్ట‌ర్ ఫైన‌ల్ మ్యాచ్‌లో జ‌పాన్‌కు చెందిన య‌మ‌గుచిపై 21-13, 22-20 తేడాతో గెలిచి సెమీస్‌లో అడుగుపెట్టింది. అయితే ఈ మ్యాచ్ హోరాహోరీగా సాగింది. తొలి గేమ్‌లో తొలుత వెనుక‌బ‌డినా.. అద్భుతంగా పుంజుకున్న సింధు 21-13తో గెలుచుకుంది. రెండో గేమ్‌లోనూ అదే దూకుడు ప్ర‌ద‌ర్శించింది.

య‌మ‌గుచి ఒక ద‌శ‌లో 20-18 ఆధిక్యంలోకి వెళ్లి గేమ్ గెలిచేలా కనిపించింది. ఈ స‌మయంలో సింధు వ‌రుస‌గా నాలుగు పాయింట్లు సాధించి మ్యాచ్‌ను సొంతం చేసుకుంది.దీంతో డైరెక్ట్‌గా సెమీ ఫైన‌ల్‌లో అడుగుపెట్టింది. తీవ్ర సాధన, సరికొత్త టెక్నిక్‌లతో లోపాలను సరిదిద్దుకున్నానని చెబుతున్న సింధు సెమీ ఫైన‌ల్ గెలిస్తే త‌న ఖాతాలో ఏదో ఒక ప‌తాకం వ‌చ్చి చేర‌డం ఖాయంగా క‌నిపిస్తుంది.