Choreographer Rakesh Master : బ్రేకింగ్ : ప్రముఖ కొరియోగ్రాఫర్ రాకేష్ మాస్టర్ మృతి!

Choreographer Rakesh Master : సినీ ఇండస్ట్రీలో వరుస విషాదాలు చోటు చేసుకుంటున్నాయి.. ఏదొక రూపంలో గత కొన్ని రోజులుగా విషాదాలే వింటున్నాం. తాజాగా టాలీవుడ్ ఇండస్ట్రీకి చెందిన మరొక వ్యక్తి మృతి చెందాడు.. రాకేష్ మాస్టర్ అంటే టాలీవుడ్ లో తెలుగు ప్రేక్షకులకు ప్రత్యేక పరిచయం అవసరం లేదు..

రాకేష్ మాస్టర్ గురించి మొత్తం కాకపోయినా కాస్తో కూస్తో తెలిసే ఉంటుంది.. సినీ ఇండస్ట్రీలో టాప్ కొరియోగ్రాఫర్ గా కొనసాగుతున్న కొరియోగ్రాఫర్స్ అందరికి ఈయన గురువు అని చెప్పడంలో ఎలాంటి సందేహం లేదు.. తన దగ్గర డాన్స్ నేర్చుకున్న పలువురు టాప్ పొజిషన్ లో రాణిస్తుండగా ఈయన కెరీర్ మాత్రం సాఫీగా సాగలేదు..

ఈయన గతంలో సోషల్ మీడియా వేదికగా ఇచ్చిన ఇంటర్వ్యూలతో బాగా ఫేమస్ అయ్యాడు.. ఈయన చాలా మందిపై చేసిన కామెంట్స్ ఓ రేంజ్ లో వైరల్ అవ్వగా ఈయన కూడా అలానే ఫేమస్ అయ్యాడు.. మరి అలాంటి రాకేష్ మాస్టర్ కొద్దిసేపటి క్రితం మరణించినట్టు వార్తలు వచ్చాయి..

ఈయన విశాఖ నుండి తిరిగి వస్తుండగా అనారోగ్యం పాడవ్వడంతో వెంటనే ఆసుపత్రికి తరలించి వైద్యం అందించేందుకు ప్రయత్నాలు చేసినా బాడీ సహకరించక పోవడంతో ఆదివారం తుదిశ్వాస విడిచినట్టు తెలుస్తుంది.. ఈయన మృతితో మరోసారి టాలీవుడ్ లో విషాధచాయలు అలముకున్నాయి.. నెటిజెన్స్ తో పాటు సినీ ప్రముఖులు ఈయనకు సంతాపం తెలియజేస్తున్నారు.