Police Stopped Bhola Shankar Movie At SSV Theater : భోళాశంకర్ సినిమా నిలిపివేత.. అధిక ధరలకు టికెట్లు అమ్మతుండటంతో..!

Police Stopped Bhola Shankar Movie At SSV Theater :

మెగాస్టార్ చిరంజీవి నటిస్తున్న తాజా మూవీ భోళాశంకర్. తమిళ వేదాలం సినిమాకు రీమేక్ వస్తోంది. పైగా చాలా ఏళ్ల తర్వాత మెహర్ రమేశ్ దీనికి దర్శకత్వం వహిస్తున్నారు. నేడు ఈ మూవీ థియేటర్లలోకి వచ్చింది. కాగా ఈ సినిమాను ఇటు తెలంగాణతో పాటు అటు ఏపీలో కూడా భారీగా విడుదల చేస్తున్నారు.

ఏపీలో ఈ సినిమా బడ్జెట్ ను దృష్టిలో ఉంచుకుని కొంత మేర పెంచుకునే అవకాశాన్ని ఇచ్చారు. అయితే బాపట్లలోని SSV థియేటర్లో మాత్రం పర్మిషన్ లేకుండానే భోళాశంకర్ మూవీకి అధిక ధరలకు టికెట్లు అమ్ముతున్నారు. ఈ విషయాన్ని తెలుసుకున్న పోలీసులు నేరుగా వెళ్లి సినిమాను అడ్డుకున్నారు.

అధిక ధరలకు టికెట్లు అమ్ముతున్న వారిని అదుపులోకి తీసుకున్నారు. మొదటి నుంచి ఇలాంటి బ్లాక్ దందా మీద ఏపీ ప్రభుత్వం ప్రత్యేక దృష్టి సారిస్తున్న విషయం తెలిసిందే. ఈ క్రమంలోనే ఇలాంటి చర్యలు తీసుకున్నారు. ఇక మరికొన్ని చోట్ల కూడా ఇలా టికెట్లను బ్లాక్ లో అమ్మేందుకు ప్రయత్నిస్తున్నట్టు వార్తలు వస్తున్నాయి. కానీ దాన్ని అడ్డుకునేందుకు పోలీసులు ప్రయత్నాలు జరుపుతున్నారు.