KTR: కేంద్ర ఐటీ శాఖామంత్రిగా కేటీఆర్.. నెటిజ‌న్స్ ప్ర‌శ్న‌కు స్పంద‌న ఏంటి?

KTR: తెలంగాణ ముఖ్యమంత్రి కేసీఆర్ త‌న‌యుడు, తెలంగాణ మంత్రి కేటీఆర్ సోష‌ల్ మీడియాలో ఎంత యాక్టివ్‌గా ఉంటారో ప్ర‌త్యేకంగా చెప్ప‌న‌క్క‌ర్లేదు. ముఖ్యంగా ట్విట్ట‌ర్‌లో ఎప్పుడూ క్రీయాశీల‌కంగా ఉండే కేటీఆర్ నెటిజ‌న్ల ప్ర‌శ్న‌ల‌కు స్పందిస్తూ ఉంటారు.ఒక్కోసారి వారి సాధ‌క‌బాధ‌ల‌ను తెలుసుకొని త‌గు సాయం కూడా చేస్తుంటారు.ప్ర‌స్తుతం రాజ‌కీయాల‌తో క్ష‌ణం తీరిక లేకుండా బిజీగా ఉన్న కేటీఆర్ తాజాగా ట్విట్ట‌ర్ వేదిక‌గా ‘ఆస్క్‌ యువర్‌ కేటీఆర్‌’ అనే ట్యాగ్‌లైన్‌తో నెటిజ‌న్ల‌తో ముచ్చ‌టించారు.

KTR stunning answer to netizens
KTR stunning answer to netizens

ఈ సందర్భంగా ఓ నెటిజ‌న్ కేటీఆర్‌ను ప్రశ్నిస్తూ.. ‘జాతీయ రాజ‌కీయాల‌పై మీ అభిప్రాయం ఏంటి.? మిమ్మల్ని కేంద్ర ఐటీ శాఖ మంత్రిగా చూడాల‌ని ఉంది. దేశ వ్యాప్తంగా ఐటీ ఇండ‌స్ట్రీ అభివృది చూడాల‌ని ఉంది’ అంటూ ట్వీట్ చేశాడు. దీనికి స్పందించిన మంత్రి.. ‘తెలంగాణ రాష్ట్రానికి సేవ చేస్తూ సంతోషంగా ఉన్నాను’ అని సింపుల్‌గా సమాధానమిచ్చారు. దీన్నిబట్టి చూస్తే తనకు జాతీయ రాజకీయాలపై ఆసక్తి లేదని పరోక్షంగా క్లారిటీ ఇచ్చినట్లే అనిపిస్తోంది.

ఓ వైపు ఆయన తండ్రి, సీఎం కేసీఆర్ వచ్చే పార్లమెంటు ఎన్నికల నాటికి కొత్త ఫ్రంట్ ఏర్పాటు చేసే ఆలోచనతో వివిధ పార్టీల నేతలతో సమావేశం అవుతుండగా… కేటీఆర్ చేసిన తాజా కామెంట్ హాట్‌టాపిక్‌గా మారింది. మరికొందరు నెటిజన్లు అడిగిన వివిధ ప్రశ్నలకు కేటీఆర్ సమాధానాలు చెప్పారు. తెలంగాణలో లాక్‌డౌన్ విధించే అవకాశముందా? అని ఒకరు ప్రశ్నించగా.. క‌రోనా కేసుల సంఖ్య పెరుగుదల, వైద్య శాఖ అధికారుల స‌ల‌హాలను బ‌ట్టి లాక్‌డౌన్‌పై నిర్ణయం తీసుకుంటామ‌ని కేటీఆర్ తెలిపారు.

KTR stunning answer to netizens
KTR stunning answer to netizens

రాష్ట్రంలో ప్రతి దళిత కుటుంబానికి రూ.10 లక్షలు అందించే దళిత బంధు పథకం ఇంకెప్పుడు అమలు చేస్తారు?, నవంబరు 4 నుంచి ఈ పథకాన్ని రాష్ట్రవ్యాప్తంగా అమలు చేస్తామని, దానిని ఎవరూ అడ్డుకోలేరంటూ అని అన్నారు. ప్రతి ఒక్కరి బ్యాంకు ఖాతాలో రూ.15 లక్షలు వేస్తామన్న ప్రధాని మోదీపై ప్రకటనపై మీ అభిప్రాయమేంటని ఒకరు అడగ్గా… .జుమ్లా ఆఫ్‌ ది సెంచరీ (ఈ శతాబ్దంలోనే అతి పెద్ద తప్పుడు హామీ) అని కేటీఆర్ కామెంట్ చేశారు