Jabardasth: వ‌చ్చే వారం జ‌బ‌ర్ధ‌స్త్‌ని అస్స‌లు మిస్ కావొద్దు.. న‌వ్వులే న‌వ్వులు..!

Jabardasth: క‌రోనా వ‌ల‌న చాలా మంది డిప్రెష‌న్‌లోకి వెళ్లిపోయారు. అంద‌రి జీవితాలు అస్త‌వ్య‌స్థంగా మార‌డంతో జీవితం ఎటు పోతుందో తెలియ‌క సందిగ్ధంలో ప‌డిపోయారు. ఎంట‌ర్‌టైన్‌మెంట్ అనేది లేక పిచ్చోళ్లులా మారిపోతున్నారు. ఈ స‌మయంలో ప్ర‌తి ఒక్క‌రిని క‌డుపుబ్బ న‌వ్విస్తూ హ్యాపీగా ఉంచుతుంది పాపులర్ కామెడీ షో జ‌బ‌ర్ధ‌స్త్‌.

టీం లీడ‌ర్స్ మారిన‌, అందులోని స‌భ్యులు మారిన‌, జ‌డ్జిలు చేంజ్ అయిన జ‌బ‌ర్ధ‌స్త్ షో అంతే స‌క్సెస్ ఫుల్‌గా సాగుతుంది. వారం వారానికి మాంచి మ‌సాలాని జోడిస్తూ టీం స‌భ్యులు మంచి ఎంట‌ర్‌టైన్‌మెంట్ అందిస్తున్నారు. జ‌బ‌ర్ధ‌స్త్‌, ఎక్స్ ట్రా జ‌బ‌ర్ధ‌స్త్ కార్య‌క్ర‌మాల‌తో ప్ర‌తి గురువారం, శుక్ర‌వారాలు న‌వ్వుల పండ‌గే. ఈ నవ్వుల కార్యక్రమాలు ప్రేక్షకులకు ఎనలేని వినోదాన్ని అందిస్తున్నాయి.

ప్ర‌తి వారం రానున్న ఎపిసోడ్‌కి సంబంధించి ప్రోమోలు విడుద‌ల చేస్తూ ఆ ఎపిసోడ్‌పై ఆస‌క్తిని పెంచుతున్న విష‌యం తెలిసిందే. తాజాగా వ‌చ్చేవారం ఎపిసోడ్‌కి సంబంధించి చిన్న ప్రోమోని విడుద‌ల చేశారు. ఇందులో పంచ్‌లు, సెటైర్స్,సంపూర్ణేష్ భారీ డైలాగ్స్ ఉన్నాయి. ఈ ప్రోమో చూస్తుంటే వచ్చే వారం జబర్దస్త్‌ని మాత్రం అసలు మిస్ కాకుడదనేలా అనిపిస్తుంది.

హైప‌ర్ ఆది త‌న టీంలోకి గెస్ట్‌గా వ‌చ్చిన యాంక‌ర్ విష్ణుప్రియ‌తో చేసిన సంద‌డి అంతా ఇంతా కాదు. ముఖ్యంగా ఆమె ముక్కుపై సెటైర్స్ వేస్తూ అద‌ర‌గొట్టాడు. ఇక ఫ‌న్‌టాస్టిక్ ఫ‌న్‌తో అదిరే అభి టీం అద‌ర‌గొట్టింది. ఫ్రస్టేషన్ విత్ ఫన్‌తో రాకెట్ రాఘవ టీం అలరించారు. స్పెషల్ గెటప్‌లో వచ్చిన చంటి అందరిని అబ్బురపరిచాడు. ఎనర్జిటిక్ ఎంటర్‌టైన్మెంట్‌తో వెంకీ మంకీస్ టీం ఆకట్టుకున్నారు.

ఈ ఎపిసోడ్‌కి బర్నింగ్ స్టార్ సంపూర్ణేష్ బాబు క్యాలీఫ‌వ‌ర్ చిత్రాన్ని ప్ర‌మోట్ చేసుకునేందుకు వ‌చ్చాడు. ప్రోమో చివ‌రలో సంపూ క్యాలిఫ‌వ‌ర్ గొప్ప త‌నం గురించి చెబుతూ భారీ డైలాగ్ విసిరాడు. ఇది అభిమానుల‌ని ఎంత‌గానో అల‌రిస్తుంది.