Director Guna Shekhar : దర్శకుడు గుణ శేఖర్ కుమార్తె నీలిమ పెళ్ళి కూతురాయెనే.!

Director Guna Shekhar  : ప్రముఖ దర్శకుడు గుణ శేఖర్ ఇంట పెళ్ళి సందడి మొదలైంది. గుణశేఖర్ కుమార్తె నీలిమ పెళ్ళి పీటలెక్కనుంది. తాజాగా ‘పెళ్ళికూతుర్ని’ చేశారు నీలిమని. ఈ వేడుకకి సంబంధించిన ఫొటోల్ని, వీడియోను సోషల్ మీడియాలో షేర్ చేసింది నీలిమ.

బంధువులు, అత్యంత సన్నిహితులు ఈ వేడుకకు హాజరయ్యారు. పలువురు సినీ రాజకీయ ప్రముఖులు ఈ కార్యక్రమానికి విచ్చేసి పెళ్ళికూతురిగా మారిన నీలిమను ఆశీర్వదించారు.

తండ్రికి తగ్గ తనయ..

గుణ శేఖర్ సినిమాలకు నీలిమ గుణ నిర్మాణ వ్యవహారాల్ని చూసుకుంటున్న సంగతి తెలిసిందే. ప్రస్తుతం గుణశేఖర్ రూపొందించిన ‘శాకుంతలం’ విడుదలకు సిద్ధమవుతోంది. సమంత ఈ సినిమాలో హీరోయిన్‌గా నటించింది.

కాగా, నీలిమకి కాబోయే భర్త పేరు రవి. ఆయన వ్యాపార కార్యకలాపాల్లో బిజీగా వుంటారట. కోట్లకు అధిపతి అని తెలుస్తోంది.

నీలిమ వివాహం నేపథ్యంలో పలువురు సినీ ప్రముఖులు ఆమెకు సోషల్ మీడియా వేదికగా విషెస్ అందిస్తున్నారు.