Choreographer Rakesh Master : వందల మందికి తిండిపెట్టిన రాకేష్‌ మాస్టర్.. అనాథ ఆశ్రమంలో ఎందుకు చేరాడు..?

Choreographer Rakesh Master : టాలీవుడ్ ప్రముఖ కొరియోగ్రాఫర్ రాకేష్ మాస్టర్ అంటే తెలియని వారు లేరు. ఆయన డ్యాన్స్ ల పరంగా ఎంత ఫేమసో.. సోషల్ మీడియాలో కూడా అంతే ఫేమస్. ఒకప్పుడు ఆయన లెజెండరీ కొరియోగ్రాఫర్. దాదాపు 1500లకు పైగా సినిమాలకు ఆయన కొరియోగ్రఫీ చేశారు. అంతెందుకు ఇప్పుడున్న టాలీవుడ్ టాప్ కొరియోగ్రాఫర్లు అందరూ రాకేష్ మాస్టర్ శిష్యులే.

వారందరికీ ఆయనే తన ఇంట్లో తిండిపెట్టేవారు. వారికే కాదు ఎంతో మందికి ఆయన సాయం చేశారు. వందలాది మందికి తన ఇంట్లో తిండిపెట్టారు. అలాంటి రాకేష్ మాస్టర్ ఒకానొక సమయంలో అనాథ ఆశ్రమంలో ఉండాల్సిన పరిస్థితి వచ్చింది. కుటుంబ సమస్యలు, ఇంట్లో వారు దూరం కావడంతో రాకేష్ మాస్టర్ మానసికంగా కుంగిపోయారు.

ఆ సమయంలోనే మద్యానికి బానిస అయ్యారు. కొన్ని రోజులు అనాథ ఆశ్రమంలో ఉండాలని నిర్ణయించుకున్నారు. గతేడాది అబ్దుల్లాపూర్ మెట్ లోని ఓ అనాథాశ్రమంలో నివసించారు. రాకేష్ మాస్టర్ ఓల్డేజ్ హోమ్ లో ఉండటం అందరినీ బాధించింది. ఆ సమయంలో కూడా ఆయన ఆ ఓల్డేజ్ హోమ్ కు చాలా సాయాన్ని అందించారు.

మొన్న చనిపోయే వరకు ఆయన ఏదో ఒక పని చేస్తూనే ఉన్నారు. గత వారం రోజులుగా ఆయనకు విరోచనాలు, వాంతులు అవుతున్నాయి. నిన్న సడెన్ గా రక్త విరోచనాలు కావడంతో ఆయన్ను గాంధీ ఆస్పత్రికి తీసుకెళ్లారు. ఆస్పత్రిలో చేరిన కొద్ది గంటల్లోనే ఆయన మరణించారు.