NTR : ఎన్టీఆర్ ‘దేవర’ టైటిల్ పై బండ్లన్న కామెంట్‌
NQ Staff - May 19, 2023 / 10:38 PM IST
NTR : ఎన్టీఆర్ హీరోగా కొరటాల శివ దర్శకత్వంలో రూపొందుతున్న సినిమాకి ‘దేవర’ అనే టైటిల్ని కన్ఫర్మ్ చేశారు. గత కొన్నాళ్లుగా ఈ విషయమై ప్రచారం జరుగుతుంది. తాజాగా ఎన్టీఆర్ పుట్టిన రోజు సందర్భంగా విడుదల చేసిన పోస్టర్ తో ఆ విషయాన్ని క్లారిటీ ఇచ్చారు.
గత కొన్ని సంవత్సరాలుగా పవన్ కళ్యాణ్ తో దేవర అనే సినిమాను తీయబోతున్నట్లుగా బండ్ల గణేష్ ప్రకటిస్తూ వస్తున్నాడు. ఆ టైటిల్ ని బండ్ల గణేష్ రిజిస్టర్ కూడా చేయించుకున్నాడు.. కానీ ఈ మధ్య కాలంలో ఆయన రెన్యువల్ చేయడంలో విఫలమయ్యాడు.
బండ గణేష్ ఆ విషయం మర్చి పోవడంతో వెంటనే ఎన్టీఆర్ కోసం కొరటాల శివ ఆ టైటిల్ ని తీసుకున్నట్లు తెలుస్తోంది. దేవర టైటిల్ ని ఎన్టీఆర్ సినిమాకు రిజిస్టర్ చేయడం పట్ల బండ్ల గణేష్ స్పందించాడు.
తనకు ఎన్టీఆర్ కూడా దేవర.. కనుక ఈ టైటిల్ ని ఎన్టీఆర్ సినిమాకు పెట్టడం తనకు ఎలాంటి ఇబ్బంది లేదు.. అభ్యంతరం లేదు అన్నట్లుగా పోస్ట్ పెట్టాడు. పవన్ కళ్యాణ్ టైటిల్ ని ఎన్టీఆర్ కి వాడుతున్నారని కాపీ కొడుతున్నారని కొందరు పవన్ కళ్యాణ్ అభిమానులు ఈ సందర్భంగా అసంతృప్తి వ్యక్తం చేస్తున్నారు.
పవన్ కళ్యాణ్ దేవర సినిమా చేసి ఉంటే బాగుండేదని కొందరు కామెంట్స్ చేస్తున్నారు. ఇక నందమూరి అభిమానులు మాత్రం ఎన్టీఆర్ సినిమాకు దేవర టైటిల్ పెట్టడం పట్ల పాజిటివ్గా రెస్పాన్స్ అవుతున్నారు.
