Allu Arha: ఆన్‌లైన్‌లో శ్లోకాలు నేర్చుకుంటున్న అల్లు అర్జున్ కూతురు!

Allu Arha: క‌రోనా మ‌హ‌మ్మారి చేస్తున్న మాయ‌లు అన్నీ ఇన్నీ కావు. వైర‌స్ వ‌ల‌న ఎప్పుడు లేనిది వ‌ర్క్ ఫ్రం హోం, ఆన్ లైన్ క్లాసులు, ఓటీటీల హ‌వా ఇలా ఒక‌టేంటి చాలా వింత‌లు చూస్తున్నాం. క‌రోనా వ‌ల‌న గ‌త రెండేళ్లుగా పిల్ల‌లు స్కూల్స్‌కి వెళ్ల‌డ‌మే మానేశారు. స్కూల్‌లో పాఠాల‌తో పాటు డ్యాన్స్‌, సంగీతం అన్నీ కూడా ఆన్‌లైన్‌లోనే న‌డుస్తున్నాయి. బ‌న్నీ కూతురు అర్హ కూడా ఆన్‌లైన్‌లోనే పాఠాలు నేర్చుకుంటుంది.

Allu Arha

ఖాళీ స‌మ‌యంలో సంగీతంతో పాటు శ్లోకాలు ఆన్‌లైన్‌లో నేర్చుకుంటుంది. ట్యాబ్ ముందు పెట్టుకొని ఎంతో ప‌ద్ద‌తిగా శ్లోకాలు నేర్చుకుంటుంది. ఈ చిన్నారి ఆస‌క్తిని చూసి నెటిజ‌న్స్ ప్ర‌శంస‌లు కురిపిస్తున్నారు. చ‌దువు, సంగీతం, డ్యాన్స్, న‌ట‌న‌ తో పాటు ఆన్‌లైన్‌లో శ్లోకాలు నేర్చుకుంటున్న అర్హ‌ని చూసి సెల‌బ్స్ సైతం ప్ర‌శంస‌లు కురిపిస్తున్నారు.

అక్కినేని సమంత… డైరెక్టర్ గుణశేఖర్ కాంబినేషన్‏లో వస్తున్న శాకుంతలం సినిమాతో అల్లు అర్హ ఇండస్ట్రీలోకి ఎంట్రీ ఇవ్వబోతున్న విష‌యం తెలిసిందే. చైల్డ్ ఆర్టిస్ట్‏గా అర్హ.. ప్రేక్షకులకు అలరించేందుకు సిద్ధమైంది. గుణటీం వర్క్స్, దిల్ రాజు సంయుక్తంగా నిర్మిస్తున్నారు. ఈ మేరకు ఫిబ్రవరిలో ఈ మూవీ పూజా కార్యక్రమాలు కూడా స్టార్ట్ చేశారు. ఇందులో దుశ్యంతుడి పాత్రలో మళయాలం స్టార్ దేవ్ మోహన్ నటించనున్నారు. ఇక ఈ పాన్ ఇండియా మూవీలో అల్లు అర్హ లిటిల్ భరతుడిగా కనిపించబోతుంది.

అల్లు వారి నాల్గో తరం కూడా సినిమాల్లోకి ఎంట్రీ ఇచ్చారంటూ బన్నీ ఎమోషనల్ అవుతూ అర్హ ఎంట్రీని క‌న్‌ఫాం చేసిన విష‌యం తెలిసిందే. సెట్‌లో సమంత సైతం అర్హను ఎంతో జాగ్రత్తగా చూసుకుంటున్నట్టు కనిపిస్తోంది. తన డైలాగ్స్, సీన్స్ విషయంలో అర్హను సమంత బాగా చూసుకుంటున్నట్టు కనిపిస్తోంది.

అర్హ ఫ‌స్ట్ టేక్ అయిన త‌ర్వాత స‌మంత త‌న సోష‌ల్ మీడియా ద్వారా ప్ర‌శంసిస్తూ కామెంట్స్ చేసింది. అర్హ అదరగొట్టేసింది. ఆమెకు రాసిన డైలాగ్స్ అన్నీ కూడా అదిరిపోతాయ్.. సూపర్‌గా ఉన్నాయి.. అని సమంత చెప్పుకొచ్చారు. అయితే అర్హ తండ్రి స‌మంత‌తో జ‌త క‌ట్టి ప్రేక్ష‌కుల‌కి మంచి వినోదం అందించ‌గా, ఇప్పుడు అర్హ సంద‌డి చేసేందుకు సిద్ధ‌మైంది.